നിത്യജീവിതത്തില് എല്ലാവരും ഇലക്ട്രോണിക് ഉപകരണങ്ങള് കൈകാര്യം ചെയ്യാറുണ്ട്. മൊബൈല്, ലാപ്ടോപ്പ്, ബ്ലൂടൂത്ത് ഇയര്ഫോണുകള്, മറ്റ് ഇലക്ട്രോണിക് ഉപകരണങ്ങള് ഒക്കെ ചാര്ജ് ചെയ്യാന് വിപണിയില് പല തരത്തിലുള്ള ചാര്ജറുകള് ലഭ്യമാണ്. അതില് സി-ടൈപ്പ് ചാര്ജറുകള് ഇപ്പോള് ഒരു ട്രെന്ഡായി മാറിയിട്ടുണ്ട്. പലരും USB-C ചാര്ജര് ഉപയോഗിക്കുന്നുണ്ടെങ്കിലും അതിലെ 'C' എന്തിനെയാണ് സൂചിപ്പിക്കുന്നതെന്നോ ഈ പുതിയ സാങ്കേതിക വിദ്യ നമ്മുടെ ഉപകരണങ്ങള് ചാര്ജ് ചെയ്യുന്ന രീതിയെ എങ്ങനെ മാറ്റിമറിച്ചുവെന്നതോ മിക്കവര്ക്കും അറിയാത്ത കാര്യമാണ്.
ചാര്ജറുകളുടെ ആകൃതിയും പിന് ഘടനയും അടിസ്ഥാനമാക്കി അവയെ ടൈപ്പ് എ, ടൈപ്പ് ബി, ടൈപ്പ് സി എന്നിങ്ങനെ വിളിക്കാറുണ്ട്. ടൈപ്പ്-എ, ടൈപ്പ്-ബി കണക്ടറുകളുടെ മുന് രണ്ട് തലമുറകള്ക്ക് ശേഷം, യുഎസ്ബി കണക്ടറിന്റെ മൂന്നാം തലമുറയെയാണ് C പ്രതിനിധീകരിക്കുന്നത്. C ടൈപ്പ് ചാര്ജറുകളെക്കുറിച്ച് അറിയണമെങ്കില് ആദ്യം A, B ടൈപ്പുകളെക്കുറിച്ച് അറിയേണ്ടതുണ്ട്.
പല കമ്പ്യൂട്ടറുകളുടെയും ചാര്ജിംഗ് അഡാപ്റ്ററുകളുടെയും പിന്നില് നിങ്ങള് കണ്ടിട്ടുണ്ടാകാന് സാധ്യതയുള്ള ദീര്ഘചതുരാകൃതിയിലുള്ള USB കണക്ടറിനെ സാധാരണയായി ടൈപ്പ്-എ എന്ന് വിളിക്കുന്നു. കാരണം അത് കണക്റ്റുചെയ്തിരിക്കുന്ന പോര്ട്ടിലേക്ക് ഒരു വഴി മാത്രം ഉള്ക്കൊള്ളാന് കഴിയുന്ന തരത്തിലാണ് ഇത് രൂപകല്പ്പന ചെയ്തിരിക്കുന്നത് (ഇതിനെ ഏകദിശാ(Unidirectional) എന്ന് വിളിക്കുന്നു).
പഴയ സ്മാര്ട്ട്ഫോണ് ഉപകരണങ്ങള് ചാര്ജ് ചെയ്യാന് ഉപയോഗിക്കുന്ന മൈക്രോ-യുഎസ്ബി കണക്ഷനുകള്ക്ക് സമാനമായി ടൈപ്പ്-ബി കണക്ടറുകളും ആകൃതിയില് ഒരുപോലെയല്ല (ഒരു വശത്ത് വീതിയും മറുവശത്ത് നേര്ത്തതുമാണ്). അതിനാല് തലകീഴായി പ്ലഗ് ചെയ്ത് പവര് സപ്ലൈയുമായി ബന്ധിപ്പിക്കാന് ശ്രമിച്ചാല് അവയ്ക്ക് കേടുപാടുകള് സംഭവിക്കാനുള്ള സാധ്യതയുണ്ട്.
യുഎസ്ബി കുടുംബത്തിലെ അവസാനത്തേതും ഏറ്റവും പുതിയതുമായ കണക്റ്റര് ടൈപ്പ്-സി ആണ് . ഇത് ഓവല് ആകൃതിയിലുള്ളതും ഒരു ഉപകരണത്തിലേക്ക് ഏത് വിധേനയും കണക്ട് ചെയ്യാന് കഴിയുന്നതുമാണ്. അതായത് ഇത് 'റിവേഴ്സിബിള്' ആയി കണക്കാക്കപ്പെടുന്നു.ഇപ്പോഴത്തെ പല ഉപകരണങ്ങളിലും C ടൈപ്പ് ആണ് ഉപയോഗിക്കുന്നത്.
ടൈപ്പ്-സി യുടെ യഥാര്ത്ഥ പ്രത്യേകത ലഭ്യമായ മറ്റേതൊരു കണക്ടറുകളേക്കാളും കൂടുതല് പവര് നല്കാനുള്ള കഴിവുമായി ബന്ധപ്പെട്ടിരിക്കുന്നു.
Content Highlights :Do you know what the 'C' in C-type chargers means? This C has some special features and advantages.